✍️ मोरङको ३५औँ वार्षिक साधारण सभा एवम् प्रदेश स्तरीय अन्तरक्रिया कार्यक्रम सम्पन्न ।



आज मिति २०८२ भाद्र १४ गते सलकपुरस्थित श्रीकृष्ण प्रणामी मन्दिरमा श्रीकृष्ण प्रणामी युवा परिषद् नेपाल जिल्ला कार्य समिति मोरङको ३५औँ वार्षिक साधारण सभा अध्यक्ष माधव भट्टराईको अध्यक्षतामा सम्पन्न भएको छ । युवा परिषद् नेपालका केन्द्रीय अध्यक्ष कौसल फुयाल प्रमुख अतिथि रहनु भएको उक्त कार्यक्रममा जिल्ला अध्यक्ष माधव भट्टराईबाट स्वागत तथा प्रतिवेदन प्रस्तुत गरिएको थियो ।

युवा परिषद् मोरङको वार्षिक साधारण सभा एवम् कोशी प्रदेश स्तरीय वृहत युवा भेला तथा अन्तरक्रिया कार्यक्रमको सुभारम्भमा प्रमुख अतिथि कौशल फुयालबाट पानसमा दीप प्रज्वलन गरिएको थियो । 
उक्त कार्यक्रममा बाईजूराज महिला समिति नेपालकी केन्द्रीय उपाध्यक्ष पुष्पा तिम्सिना, सेवा समिति नेपालकी केन्द्रीय सदस्य मुना गजुरेल र सलकपुर मन्दिरका अध्यक्ष कृष्ण प्रसाद बास्तोलाले शुभकामना मन्तव्य राख्नुभएको थियो ।

अध्यक्ष यज्ञ ढकालको अध्यक्षतामा सम्पन्न अन्तरक्रिया कार्यक्रममा संयोजक युवा परिषद् नेपालका केन्द्रीय उपाध्यक्ष मदन अधिकारीले कार्यक्रमको औचित्यमाथि प्रकाश पार्नुभएको थियो । कार्यक्रमको
सहजीकरण युवा परिषद्का सल्लाहकार सुभाष रिजालले गर्नुभएको थियो । उक्त कार्यक्रममा १५ जनाभन्दा बढी महानुभावहरूले आ-आफ्ना अमूल्य सुझावहरू राख्नुभएको र आयोजक परिवारको तर्फबाट उत्तर दिने प्रयास गरिएको थियो । कार्यक्रम संचालक प्रदेश सचिव नरोत्तम श्रेष्ठ रहनु भएको थियो । प्रणाम 

Comments

Post a Comment

Popular posts from this blog

बधाई तथा शुभकामना कार्यक्रम सम्पन्न ✍

श्रीकृष्ण प्रणामी संरक्षण सेवा समिति, श्रीकृष्ण प्रणामी मन्दिर बाल सेवा आश्रम, सुन्दर हरैचा -९ को आयोजनामा आज मिति २०८१ कार्तिक २६ गतेका दिन श्रीकृष्ण प्रणामी समाजको सेवामा समर्पित विभिन्न तहका समितिमा नव नियुक्त सम्पूर्ण पदाधिकारीहरूको (विशेष गरी कोशी प्रदेशमा रहेका) सम्मानमा बधाई तथा शुभकामना कार्यक्रम सम्पन्न भएको छ । श्रीकृष्ण प्रणामी संरक्षण सेवा समिति, श्रीकृष्ण प्रणामी मन्दिर बाल सेवा आश्रम, सुन्दर हरैचा -९ का अध्यक्ष कृष्णप्रसाद शर्माज्यूको अध्यक्षतामा सम्पन्न उक्त कार्यक्रममा सुन्दर हरैचाका नगर प्रवक्ता एवम् १२ नम्बर वडा अध्यक्ष रोसन ढकाल प्रमुख अतिथि रहनु भएको थियो । उक्त कार्यक्रममा विशेष अतिथि मनोज मधुकर महाराज, विशिष्ट अतिथि सेवा समिति नेपालका केन्द्रीय उपाध्यक्ष शारदाप्रसाद थपलिया, अतिथिमा सेवा समिति नेपालका केन्द्रीय संरक्षण परिषद्का सदस्य प्रेमप्रसाद दंगाल, सेवा समिति नेपालका केन्द्रीय सदस्य हरि कडरिया, मुना गजुरेल, डम्बर कटुवाल र तुलसी भट्टराई, युवा परिषद् नेपालका केन्द्रीय उपाध्यक्ष टंक ओझा, युवा परिषद् केन्द्रीय सदस्य गोकुल कोइराला, बाईजूराज महिला समिति नेपालकी केन...
Read more

✍ शरद पूर्णिमा

Image
शरद् पूर्णिमा महोत्सवको पावन उपलक्ष्यमा सबैमा मेरो कोटी कोटी प्रेम प्रणाम 🙏 संक्षिप्त परिचय : शरद् पूर्णिमाको शुभ दिन योगमायाको ब्रह्माण्डमा साँझपख श्रीकृष्णजीले आफ्नो वेणुनादबाट मधुर स्वर बजाउनु भयो । बाँसुरीको त्यो आवाज सुनेर गोपिनीका रूपमा रहेका परमधामका सबै सखीहरू बाँसुरीको आवाज बजेतिर अर्थात् वृन्दावनतिर दौडन थाले । त्यहाँ गएर श्री अनादि अक्षरातीत धामधनीसँग महारासमा समावेश भए । परमधामका आत्माहरूको विछोड पछिको परमात्मासँग मिलन भएको रात हो शरद पूर्णिमा । यसै दिन आनन्द उमङ्गका साथ रामत खेलेर सखीहरूले आफ्ना प्राणपति धामधनीसँग महारास खेलेर आनन्द उत्सव मनाएका थिए । शरद् पूर्णिमाको दिन निजानन्द सम्प्रदायमा आवद्ध भक्त समुदाय भेला भएर श्री १०८ प्राणनाथ मन्दिर पन्ना धाम, मध्य प्रदेशमा विशेष उत्सव मनाइन्छ जहाँ महामति  श्री प्राणनाथजी महाराजले परमधामको आनन्द अनुभूति गराउनु भएको थियो ।  ✍ महारास शरद् निसा रे पूनम तणी, आव्यो ते आसो रे मास । सकल कलानो चन्द्रमाँ, एणी रजनीए कीधो रे रास ll शरद् रैन पूनम मन भायो, मुकुट बांध के रास खिलायो ।। जो सरूप खेल्यो वृन्दावन माह...
Read more

प्राकट्य उत्सव ✍

Image
वन्दौं सतगुरु चरणको, करूं सो प्रेम प्रणाम । अशुभ हरण मंगल करण, श्री देवचन्द्रजी नाम ।।  परम वन्दनीय सुन्दरसाथजी ! आश्विन शुक्ल चौदश (चतुर्दशी) तिथि निजानन्दाचार्य सद्गुरु श्री देवचन्द्रजी महाराजको ४४३औँ प्राकट्योत्सवको पावन दिन हो । सबैमा म राजुप्रसाद भट्टराईको तर्फबाट कोटी कोटी प्रेम प्रणाम एवम् विजया दशमी २०८१ को हार्दिक मंगलमय शुभकामना 🙏  सम्वत सोलह सै अड़तीसे, आसो सुदि चौदस में । जनम दिन श्री देवचन्द्रजी, आए प्रगटे मारवाडमें ।।  जब जन्में मारवाडमें, घर अति आनन्द नरनार । यह बधाई ब्रह्माण्ड में, त्रिगुण समेत विस्तार ॥  श्री देवचन्द्रजी निजानन्द, जिन प्रगट करी संप्रदाय येह । तिनथें हमे यह लखि, हम द्वार पावें अब तेह ।।  गुरु कंचन गुरु पारस, गुरु चन्दन परमान । तुम सतगुरु दीपक भये, कियो जो आप समान ।।  संक्षिप्त परिचय ✍ श्री निजानन्दाचार्य सद्गुरु श्री देवचन्द्रजीका जन्म मारवाडको उमरकोट गाँउमा विक्रम सम्वत् १६३८ (ई.स. १५८१) आश्विन शुक्ल चौदश (चतुर्दशी) तिथि गुरुवारको दिन प्रातः चार बजे भएको थियो । निजानन्दाचार्य श्री देवचन्द्रजी महाराज पाँच वर्षको...
Read more